Dokumentari i “Memory” në ABC News, i realizuar nga analisti Baton Haxhiu ka nxjerrë fitues kryeministrin Edi Rama në zgjedhjet e 25 prillit. Sipas anketimeve të sondazhit, nga matja e opinionit publik nga kompania “Source”, shihet një lëvizje e madhe e elektoratit në Shqipëri.
Në sondazh vihet re se bindjet e shqiptarëve po shkojnë pranë qendrës, as majtas dhe as djathtas, por me gjithë këtë ndryshim, sërish ajo që triumfon është partia rozë, e drejtuar nga kryeministri Edi Rama. 28% të të anketuarve në këtë sondazh rezulton se janë të pavendosur, 29% të votave të shqiptarëve i merr PS-ja, PD merr 15% të tyre, ndërsa LSI-ja vetëm 2%. Në total partitë e majta marrin 24.5 %, 42.5 % janë të qendrës dhe 14.2% i marrin partitë e djathta.
Ndërkohë, i ftuar sot në “Top Talk”, analisti Baton Haxhiu tha pa asnjë hezitim se nëse zgjedhjet do të bëheshin sot, Rama do të fitonte mandatin e tretë. Haxhiu shtoi se situata mund të ndryshonte pak, nëse në skenë do të dilnin aktorët e tjerë politik.
“Padyshim Edi Rama, PS-ja dhe unë mendoj që ka dhe pak kohë për t’u përmirësuar. Nëse në skena do dilnin aktorët të tjerë, mbase do ndryshonte pak,”- tha Haxhiu për Top Talk.
