Bayern Mynih ka marrë një fitore të rëndësishme 2-1 në ndeshjen e parë të çerekfinaleve të Champions League përballë Real Madrid, në stadiumin “Santiago Bernabéu”. Një sfidë e zhvilluar me ritëm të lartë, ku të dyja skuadrat krijuan raste të shumta shënimi, por bavarezët ishin më efektivë në momente kyçe.
Goli i parë erdhi në fund të pjesës së parë, kur Luis Diaz shënoi pas një asisti të bukur nga Serge Gnabry, duke dhënë avantazhin për skuadrën gjermane. Pjesa e dytë filloi me një nismë të fuqishme të Real Madrid, por Pavlović ndërpreu një sulm dhe nisur kundërsulmin për Olise, i cili dha asistin vendimtar për Harry Kane. Sulmuesi anglez shënoi me një goditje të fuqishme nga distanca, duke dyfishuar epërsinë për Bayern.
Real Madrid reagoi në minutën e 74-t, kur Kylian Mbappé ngushtoi diferencën me një gol të bukur, duke e mbajtur shpresën për ndeshjen e kthimit të hapur. Megjithatë, rezultat 2-1 i jep bavarezëve një avantazh të vogël për t’u mbrojtur në “Allianz Arena” javën e ardhshme, ku do të vendoset se cili ekip do të kualifikohet në gjysmëfinale.
Ndërkohë, sfida tjetër e çerekfinaleve mes Sporting Lisbonë dhe Arsenal ka dhënë gjithashtu emocione, ku “topçinjtë” fituan me një gol në minutën e fundit, duke i dhënë vetes një avantazh minimal para ndeshjes së kthimit. Këto përballje premtojnë spektakël të vërtetë në javët që vijnë, me tension dhe gola të shumtë që priten nga tifozët e futbollit evropian.
Bayern dhe Arsenal tani mbajnë epërsinë psikologjike, por gjithçka mbetet e hapur për ndeshjet e kthimit, ku çdo gol mund të ndryshojë rrjedhën e historisë në Champions League.
