Policia e Gjirokastrës ka dhënë më shumë detaje nga djegia e makinës në rrugën Kardhiq-Delvinë. Sipas një njoftimi paraprak dyshohet se shkak i zjarrit ka qenë një shkëndijë elektrike.
“Rreth orës 08:55, në aksin rrugor “Ura e Kardhiqit – Delvinë”, në afërsi të tunelit të Skërficës, dyshohet se për shkak të një shkëndije elektrike, ka marrë flakë në lëvizje, automjeti tip “Benz”, me drejtues shtetasin K. B., banues në Sarandë. Si pasojë ka vetëm dëme materiale. Grupi hetimor vijon punën për përcaktimin e shkakut të rënies së zjarrit”, thuhet në njoftimin e policisë.
Më herët Argjirolajm.net publikoi edhe foto të makinës së shkrumbuar.
