Kreu i PD Sali Berisha gjatë një takimi me demokratët në Gjirokastër ku PD festoi 34-vjetorin e themelimit, kritikoi qeverinë aktuale për shpërdorim të buxhetit dhe përkeqësimin e kushteve ekonomike në vend.
Berisha premtoi rritje të rrogave dhe pensioneve teksa theksoi se Shqipëria është më e pasura në rajon, por vendi ku vjedhin qeveritarët më shumë se kudo tjetër në Europë.
“Ne do të rrisim rrogën mesatare në 1200 euro. Pas këtyre ne nisim vrapim që të dalim në krye të rajonit për rrogat dhe pensionet, të jemi përsëri njerëzit më të mirë paguar.
Po si mund të ketë malazezi që nuk asnjë të dhjetën e pasurive të këtij vendi, Mali i Zi, si mundet ai të ketë pensionin 3 herë më të madh se në Shqipëri, 450 euro pensioni. Si mundet maqedonasi, të ketë pensioni 280% më të lartë se në Shqipëri. Çfarë ka Maqedonia, më thoni ju mua? Po Shqipëria është më e pasura në rajon, por Shqipëria është vendi ku vjedhin qeveritarët më shumë se kudo tjetër në Europë dhe botë. Ndaj dhe i japim fund kësaj.
Do ju thonë, se ku do të gjinden këto lekë. Shumë thjeshtë. Janë 8 miliardë, zotëria ka lënë 800 mln. Ne do ti ndajmë gjysmë për gjysmë, për ndërtime dhe punë publike dhe ju siguroj ju se do të ndërtojmë shumë më shumë se këta. Kurse të tjerat do të jenë për qytetarin, për trajtimin e tij, rrogën e tij, kujdesin ndaj tij”, tha mes të tjerash Berisha.
