Gjatë takimit në Gjirokastër, kryetari i Partisë Demokratike, Sali Berisha, mes të tjerash akuzoi qeverinë për shpopullim dhe braktisje masive të jugut.
“Gjirokastrës ja mori drejtoritë dhe ja zhduku. Universitetin pothuajse e shuajti. Kjo është sot tabloja reale e Gjirokastrës. Si Gjirokastra sot në tërësi është Shqipëria”, deklaroi Berisha.
Sipas tij vetëm një qeverisje e PD-së mund të rikthejë sërish shpresën në vend.
“Mbi 180 mijë familje emigrantësh dhe emigrantë u kthye në Shqipëri. Ju jeni dëshmitarë, nuk kishte shkolla të mbyllura, ishin plot me nxënës dhe ne rindërtuam dhe ndërtuam 1300 shkolla dhe objekte arsimore. Universitetet këtu në Gjirokastër, por edhe aty ku i hapëm në Sarandë, Peshkopi, Kukës, Berat, ishin plot me të rinj. Sigurisht shqiptarët nuk kishin rrogat që meritonin, por rrogat e tyre rriteshin nga viti në vit. Dhe së bashku me rrogat rritjes dhe shpresa për një jetë më të mirë, se jeta përmirësohej”, tha Berisha.
