Ish-kryeministri Sai Berisha, ka reaguar nga Bulevardi “Dëshmorët e Kombit” lidhur mbi protestën që opozita po mban aktualisht, duke i çuar një mesazh të qartë Ramës, që sipas tij po fshihet në Vlorë.
“Të dalë në popull dhe të informojë publikun se dha dorëheqjen. E pa fuqinë nukleare të kësaj revolte. Po shpërtheu kjo fuqi nukleare e kap edhe Vlorë ku është fshehur. Opozita është për jetë o vdekje, ose votën e lirë ose nuk duhet të ekzistojë”
“Është një narkopolici që po provokon protestuesit, pasi panë me sytë e tyre fundin e tmerrshëm dhe të shpejtë të Edi Ramës. Cilido që njeh revoltën sadopak, e ka të qartë që kjo është fundi politik i Edi Ramës. Shqiptarët kanë në histori edhe ditë triumfi, por edhe zvarritje me triumf. Diktatorët, nëse nuk lexojnë mesazhet, edhe zvarriten. Ramiz Alia pranoi pluralizmin, për të mos pësuar fatin e Causheskut. Rama bën mirë të njoftojë dorëheqjen në mbrëmje, përndryshe po shpërtheu “fuçia nukleare” e protestës, e kap atë edhe në Vlorë”, tha Berisha.
Më tej Berisha hoqi paralelizëm midis Shqipërisë dhe Venezuelës sot.
“Opozita faktoi në qershor të vitit 2017, se Edi Rama është një monstër e votës së lirë, që nuk e njeh dhe nuk e respekton vullnetin e popullit. Ai tani po përballet me popullin dhe ky është fillimi i një fundi të tmerrshëm për të. Misioni i opozitës është i njëjtë me atë të Venezuelës, të rikthejë respektimin e votës së lirë”, tha Berisha.
