Pas Danjelit është Damiano ai që mundohet ta bëjë për vete Fotininë. Ai e pyet nëse e ka kuptuar situatën dhe debatin e zhvilluar mes djemve më herët.
Fotinia e shmang duke i thënë se nuk ka kuptuar gjë. Në një moment del Danjeli, por Damiano i thotë të largohet se kanë një muhabet. Fotinia vazhdon dhe i thotë se është vendosur në pozitë të vështirë që ditën e parë në shtëpinë e Big Brother.
“Kam arritur të kuptoj që këtu futesh në disa situata. Jam vënë në siklet qëkur filloi Ervini me letrat. Unë nuk kam shprehur pëlqimin ndaj tij dhe është bërë e dukshme tek të gjithë dhe kjo e ndërlikon situatën”, thotë ajo.
Fotini shton se e ka refuzuar Ervinin dhe e ka sqaruar për këtë, ndërsa kishte një vërejtje edhe për Ervinin.
“Jam e zhgënjyer me ty. Ne s’kemi gjë bashkë ne thjesht po njihemi, por ti pa lidhje fare më mbajte inat dhe nuk më folë gjithë pasditen kot. Pastaj nise të flisje në darkë dhe të shkruaje ato letrat. Nuk më pëlqejnë njerëzit që më kufizojnë. Nuk bëj gjëra për t’i pëlqyer të tjerëve”, thotë ajo.
