Supermodeli i famshëm shqiptar me banim në New York, Elton Ilirjani ishte i ftuar mbrëmjen e sotme në një intervistë për emisionin ‘Opinion’ në TV Klan.
Ilirjani u shpreh gjithashtu se rreth 22% e popullatës shqiptare i përket komunitetit LGBT.
Bizesmeni i njohur u ndal në fillimet e tij dhe jetesën në Tiranë, ku ndau detaje sesi funksiononte komuniteti LGBT në periudhën e viteve 2004-2012.
Fevziu: Në vitet që jetove në Shqipëri, nga viti 2004 deri në vitin 2012, si ishte atmosfera e komunitetit LGBT në Tiranë? Sepse ne e dimë që ky komunitet ka ekzistuar edhe në vitet e Komunizmit, ka ekzistuar edhe më herët. Si funksiononte ky komunitet?
Elton Ilirjani: Komuniteti në Shqipëri është një komunitet i plotë. Domethënë nëse në çdo vend të botës 20% është komunitet, në Shqipëri është 20-22%, sepse është edhe vend ballkanik.
Fevziu: 22% e popullatës së Shqipërisë?
Elton Ilirjani: Po.
Fevziu: Ta bëj unë me atë aritmetikën naive, që i bie ¼ persona të ketë ketë tendencë.
Elton Ilirjani: Patjetër. Qoftë edhe një herë në jetën e vetë.
Fevziu: Dhe ishte i organizuar si komunitet në atë kohë?
Elton Ilirjani: Nuk ishte i organizuar ende. Komuniteti LGBT në Shqipëri është një komunitet aktivë “nën rrogozë”.
Fevziu: Si njiheshin me njëri-tjetrin, si komunikonin me njëri-tjetrin, kishin vendet e tyre?
Elton Ilirjani: Në ato vite fatkeqësisht, duke qenë një komunitet i diskriminuar totalisht, njiheshin kudo. Njiheshin nëpër kafe, njiheshin fshehurazi nëpër parqe, nëpër lulishte.
