Maxim Znak, politikan i opozitës bjelloruse pasi u akuzuar për thirrje për veprime që mund të dëmtonin interesat kombëtare të vendit të tij, deklaroi një grevë urie në burg, tha Këshilli i Koordinimit i opozitës.
Znak është një anëtar i këshillit dhe udhëheqës i shquar i protestave që kërkojnë dorëheqjen e Presidentit Alexander Lukashenko pas zgjedhjeve presidenciale të 9 gushtit, që opozita thotë se ishin manipuluar.
Lukashenko mohon manipulimin e votave. Që prej asaj date, Lukashenko ka mohuar vazhdimisht ndërhyrjen në zgjedhje dhe gjithashtu ka burgosur edhe shumë aktivistë opozitarë në vend.
Situata në vend është përkeqësuar, ndërsa drejtuesja opozitare Sviatlana Tsikhanouskaya kërkoi të premten një mision ndërkombëtar për të dokumentuar atë që ajo e quajti “mizori” gjatë goditjeve maxhoritare në protestat anti-qeveritare, por tha se ishte e gatshme të hynte në bisedime për t’i dhënë fund javëve të dhunës.
Aktivistë në Bjellorusi thanë se më shumë se 10 000 njerëz janë arrestuar “në mënyrë abuzive”, me më shumë se 500 raporte të torturave dhe mijëra “të rrahur egërsisht”, që kur Presidenti Alexander Lukashenko mbajti pushtetin pas zgjedhjeve të diskutueshme presidenciale më 9 gusht.
