35 mjete lundruese janë bllokuar këtë javë gjatë kontrolleve intensive të zhvilluara nga Njësia Policore Detare dhe Policia Kufitare, në vijën bregdetare nga Komani në Ksamil.
Aksioni vjen në kuadër të masave për rritjen e sigurisë në zonat turistike bregdetare, ku prania e mjeteve të fuqishme lundruese ka krijuar rrezik për pushuesit.
Sipas njoftimit zyrtar, janë kontrolluar 525 mjete lundruese dhe për shkak të shkeljeve të rregullave të qarkullimit dhe sigurisë detare, 35 prej tyre janë bllokuar, përfshirë:
-2 varka metalike me motor uji të instaluar
Ndër mjetet më të pazakonta të bllokuara ka tërhequr vëmendje një skaf që duket si një “Lamborghini”, sikurse shihet në këto pamje. Policia nuk ka dhënë detaje mbi pronësinë apo origjinën e këtij mjeti të veçantë.
Nga kontrollet rezultoi se 14 mjete lundruese po operonin brenda perimetrit të sigurisë, duke rrezikuar seriozisht jetën e pushuesve në plazhe. Të gjithë drejtuesit janë ndëshkuar me gjobë prej 100 mijë lekësh secili.
Gjithashtu, janë shpëtuar në det 19 shtetas (shqiptarë dhe të huaj), dhe 6 mjete lundruese falë ndërhyrjes së menjëhershme të Policisë Kufitare dhe Njësisë Policore Detare nga Ksamili në Koman.
Policia apel për respektimin e rregullave
Policia Kufitare thekson se do të vijojë monitorimi intensiv dhe bën apel për të gjithë drejtuesit e mjeteve lundruese:
-Mos shkelni perimetrin e sigurisë pranë plazheve.
-Lundroni vetëm në zonat e autorizuara.
-Pajisuni me mjetet e nevojshme të shpëtimit.
Po ashtu, Policia e Shtetit fton qytetarët dhe pushuesit të denoncojnë çdo shkelje të rregullave të lundrimit apo të perimetrit të sigurisë në numrin pa pagesë 112, duke i garantuar reagim të menjëhershëm dhe masa konkrete ndaj çdo shkelësi.
