Diogo Jota mbylli sytë ditën e sotme përgjithmonë pas një aksidenti automobilistik që i mori jetën. Së bashku me ish-sulmuesin e Liverpoolit ishte dhe vëllai i tij që gjithashtu humbi jetën.
Kjo ngjarje ka tronditur të gjithë botën e futbollit, teksa nuk munguan mesazhet e ndjera drejtuar familjes dhe gjithë botës së futbollit për këtë humbje tragjike.
Klubi i Liverpool ka reaguar në sajtin e tij zyrtar, duke theksuar se ndjehen të shkatërruar për lajmin e ndarjes nga jeta të Diogo Jotas dhe se nuk do të komentojnë më, në respect të dhimbjes së familjes.
Edhe Federata Shqiptare e Futbollit ka zgjedhur të reagojë për ndarjen nga jeta të sulmuesit portugez.
Reagimi i FSHF-së:
Federata Shqiptare e Futbollit shpreh ngushëllimet më të sinqerta për ndarjen tragjike nga jeta të futbollistit të kombëtares portugeze dhe Liverpool FC, Diogo Jota, si dhe të vëllait të tij, André Silva, futbollist i klubit FC Penafiel.
Në këto momente të dhimbshme, FSHF i qëndron pranë Federatës Portugeze të Futbollit, klubeve Liverpool FC dhe FC Penafiel, si dhe familjes Silva.
Një humbje e rëndë për futbollin dhe për gjithë komunitetin sportiv.
Ndërkohë UEFA, federate portugeze e futbollit si dhe shumë personalitete të sportit kudo në botë si Cristiano Ronaldo, LeBron James etj nuk kanë munguar të shprehin ngushëllimet familjes për ndarjen e parakohshme të futbollistit të Liverpool, Diogo Jota.
