Vendim surprizë në prag të fazës me eliminim direkt të Kupës së Botës. FIFA ka pezulluar përkohësisht dënimin e sulmuesit të Shteteve të Bashkuara, Folarin Balogun, i cili do të jetë në dispozicion për sfidën e 1/8-ave të finales ndaj Belgjikës.
Balogun ishte ndëshkuar me karton të kuq në ndeshjen e kaluar ndaj Bosnje-Hercegovinës, por organi qeverisës i futbollit botëror vendosi të shtyjë zbatimin e pezullimit, duke i hapur rrugën aktivizimit të tij në një nga ndeshjet më të rëndësishme të turneut.
Sipas rregullores së FIFA-s, sanksioni nuk është shfuqizuar, por është pezulluar për një periudhë prove. Në rast të një shkeljeje të re disiplinore, dënimi do të rikthehet dhe do t’i shtohet çdo mase tjetër ndëshkimore.
Vendimi ka shkaktuar reagime dhe polemika, veçanërisht në kampin belg, ndërsa pritet të mbetet një nga çështjet më tëdiskutuara të këtij Botërori.
