Në “Saint Petersburg Stadium” u luajt sfida e vlefshme për Grupin E të Botërorit mes Brazilit dhe Kosta Rikës. Brazili fiton me vështirësi 2-0, pasi të dy golat u shënuan në minutat shtesë. Pjesa e parë u mbyll në barazim 0-0, teksa brazilianëve iu anulua një gol i Gabriel Jesus në minutën e 26-të për pozicion jashtë loje.
Në pjesën e dytë, në minutën e 78-të Neymar pengohet në zonë dhe fiton një 11-metërsh. Por pas konsultimit me VAR-in, anulohet penalltia. Në minutën e 91-të, Coutinho brenda zone gjuan saktë, mposht portierin Navas dhe shpëton Brazilin, 1-0. Më pas Neymar vulos fitoren 2-0 në të 96’ dhe Braqzili ngjitet në kuotën e 4 pikëve, në vend të parë në grup.
