Nëse Dinamo duket se e ka konsoliduar vendin e saj në “Final 4”, një meritë të madhe për këtë sukses ka padyshim sulmuesi Dejvi Bregu. Vlonjati ka qenë një nga lojtarët më të spikatur te skuadra e Dinamos dhe jo më kot është aktualisht golashënuesi më i mirë në skuadrën blu.
Një paraqitje e tillë, është vlerësuar shpesh herë nga specialistët e futbollit në formacionin më të mirë të javës. Kështu, në 18 javët e para të kampionatit, Bregu e ka parë veten të jetë 5 herë në formacion jave dhe për disa javë ka qenë lojtari më i mirë në fushë për të dyja skuadrat, duke marrë vlerësimin pas ndeshjes.
Bregu ka shënuar këtë sezon me Dinamon 7 gola si edhe ka dhënë 4 asiste të tjera, duke qenë lojtari që është përfshirë në mënyrë direkte më shumë se të gjithë në kampionat. Veç golave e asistimeve të shumta këtë sezon, Bregu ka qenë gjithashtu për Dinamon një nga lojtarët që ka kontribuuar më shumë edhe në lojë, duke vrapuar për shumë kilometra, teksa është parë të luajë disa role.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
