Bregu, “minierë ari” për Luftëtarin

Duket se do të jetë e pamundur për Luftëtarin që të mbajë në përbërjen e tij mesfushorin Dejvi Bregu. 21-vjetarit i përfundon kontrata në fund të sezonit dhe klubi po tenton që të përfitojnë sa më shumë nga shitja e tij që në merkaton e janarit. Siç mësohet, jo vetëm Flamurtari është në kërkim të talentit të Luftëtarit, pasi së fundmi bëhet e ditur se plot 7 skuadra kanë kërkuar shërbimet e vlonjatit. Klubi nuk i bën të ditur emrat e skuadrave, por mësohet se bëhet fjalë për tre ekipe nga Superliga austriake, dy nga Qipro, një nga Greqia dhe një nga Zvicra. Mbetet për t’u parë se kush do ta fitojë këtë garë për shërbimet e Bregut, por e sigurt është se klubi Luftëtari do të tentojë që të përfitojë sa më shumë nga shitja e tij.