Nuk ka mrekulli për Dinamon, me blutë që i japin fund aventurës në Evropë në fazën “play-off” të Conference League. Përcaktues në këtë përfundim ishte sfida e parë në Poloni, disfata 3-0, në një kohë kur në “Air Albania” ekipi i Ilir Dajës barazoi 1-1 ndaj Jagiellonias. Rikthimi në Evropë pas 15 vitesh mund të konsiderohet pa frikë një aventurë e sukseshme për Dinamon, në çdo aspekt, sportiv dhe financiar.
Jagiellonia ishte një pengesë e fortë, një skuadër që një vit më parë arriti të shkojë deri në çerekfinalet e Conference League. I kushtëzuar nga mungesat e shumta, jo vetëm në këtë sfidë kthimi, Dinamo dhe Ilir Daja i morën maksimumin kësaj aventure në Evropë.
Blutë tentuan gjithçka për gjithçka në “Air Albania”, madje kaluan të parët në avantazh me Dejvi Bregun, por goli erdhi vonë në minutën e 68-të. Kryeqytetasit shpresuan deri në fund, por ëndrra u zbeh përfundimisht në minutën e 79-të ku polakët barazuan shifrat. Rezultati mbeti i pandryshuar, me Dinamon që mbyll në këtë formë rrugëtimin evropian.
Në ndeshjen e tij të 60-të në Evropë, Ilir Daja nuk ka asnjë peng, në sytë e tij ekipi bëri maksimumin, kjo pasi ishin të kushtëzuar nga dëmtimet dhe mungesat e shumta, për më tepër që përpara këtij takimi u larguar dhe dy golashënuesit kryesorë, Zabërgja dhe Itodo:
“Bregu s’,mjafton, Dinamo e mbyll me Europën. Shkëndija dhe Drita kualifikohen në grupet e Conference League”, shkruan Panorama Sport në faqen e parë.
(BalkanWeb)
