Bylisin e lë makina, Luftëtari pret kualifikimin

Sot duhet të ishte zhvilluar ndeshja e kthimit për Kupën e Shqipërisë mes Luftëtarit dhe Bylisti, megjithatë takimi i programuar për t’u zhvilluar në stadiumin “Luftëtari” të Gjirokastrës në orën 13:00 nuk është zhvilluar. Skuadra mike e Bylisit nuk është paraqitur. Megjithatë mbetet për t’u parë se çfarë do të vendoset nga komisioni i garave në FSHF. Sipas rregullores Luftëtari duhet ta fitojë ndeshjen në tavolinë me rezultatin 3-0. Çudia qëndron te fakti se skuadra e Bylisit është paraqitur me vonesë, kjo pasi ju ishte prishur autobusi. Megjithatë arbitri e kishte mbyllur ndeshjen, pasi orari zyrtar i pritjes kishte kaluar. Në takimin e parë skuadra ballshiote kishte triumfuar 2-1. Luftëtari mund të konsiderohet praktikisht i kualifikuar, megjithatë i takon FSHF-së që të japë zyrtarizimin.