Si çdo qershor dhe këtë vit, “Java Çame” u përmbyll me përkujtimin dhe nderimin e jetëve të humbura nga genocidi grek mbi popullsinë e pafajshme të Çamërisë. Kreu i PDIU, Shpëtim Idrizi gjatë fjalës së tij tha se një masakër me përmasa të tilla, vazhdon të kryej efektin e saj mbi shqiptarët e Çamërisë, pasi siç ai shprehet as babi i tij nuk mundet sot të shkojë në Çamëri dhe të trashëgoj ato që i takojnë. Gjithashtu Idrizi theksoi ne nuk harrojmë sado vite të kalojnë por protesta jonë dhe rikthimi i Çështjes Çame në Parlamentin e Shqipërisë është për të mundur harresën, ku shtoi se do të bëhet ç’mos që çështja e shqiptarëve të Çamërisë të jetë në të gjitha tryezat e institucioneve shqiptare.
Fjala e plotë e Shpëtim Idrizit
Ne jemi këtu të gjithë bashkë për të bërë homazhe , për të respektuar si edhe për të marrë forcë për atë tragjedi të madhe njerëzoreqë ka ndodhur mbi prindërit dhe të afërmve tanë.27 qershori i vitit 1944 ishte një ndër tragjeditë më të mëdhaja të historive njerëzore që ndodhi mbi shqiptarët e Çamërisë, vetëm për arsyen se ata ishin shqiptarë. Kjo masakër, torturë dhe spastrim etnik ishte nga më të egrit në historinë botërore. Një masakër me përmasa të tilla, e cila vazhdon të kryej efektin e saj mbi ne shqiptarët e Çamërisë, sepse babi im nuk mundet sot akoma të shkojë në Çamëri dhe të trashëgoj ato që i takojnnë, siçështë e dejta për të jetuar në shtëpinë e vetë, e drejta e pronës. As unë dhe as im bir nuk e ka sot të drejtën që të trashëgojë ato trashëgimi familjare që ne na takojnë. Shqiptarëve të Çamërisë i është prerë e drejta e jetës por pasojat e saj janë prezente edhe sot. Janë 300 mijë shqiptarët e Çamërisë që ndodhemi këtu me trupin në Shqipëri dhe me zemrën në Çamëri pikërisht nga kjo padrejtësi e madhe. Ne sot luftojmë me flamurin e të drejtave të njeriut, ku e drejta e jetës, e drejta e pronës dhe e drejta e lëvizjes së lirë të njerëzve vazhdojnë edhe sot e kësaj dite të na mohoen. Sot e kësaj dite genocide nuk është dënuar, sot e kësaj ditë të drejtat e njeriut janë shkelur, ja pse ne sot vazhdojmë një betejë, kush mendon se beteja jonë është në fundin e harresëse ka gabim. Ne nuk harrojmë sa do vite të kalojnë por protesta jonë dhe rikthimi i Çështjes Çame në Parlamentin e Shqipërisë është për të mundur harresën. Ne do bëjmë ç’mos që çështja e shqiptarëve të Çamërisë të jetë në të gjitha tryezat e inistitucioneve shqiptare. Shteti shqiptarë duhet ta ketë të qartë se Çamëria është krenaria jonë dhe është turpi i atyre që e kan bërë. Ne do të jemi në parlamentin e Shqipërisë për ti bërë thirrje qeverisë që të mos jenë të intimiduar sepse genocidi akoma nuk është dënuar. Nuk mund të vazhdojmë sot të kemi një ligj lufte dhe ne të heshtim për këtë gjë. I drejtohem të gjithë opinionit public, historianëve gjuhëtarëve, arkiologëve që beteja për Çamërinë është një betejë e përbashkët. Dhe jo thjeshtë një betejë e shqiptarëve të Çamërisë.
