Kontrolli i Lartë i Shtetit nis auditim për ngjarjen e së enjtes, ku u dëmtua HEC-i i Sasaj-t në Lukovë. Kontrolli i institucionit më të rëndësishëm auditues Shqiptar, pritet të ketë si objekt, verifikimin e shkaqeve që çuan në situatën problematike të ditës së djeshme, e cila solli dëme të konsiderueshme materiale.
Sipas burimeve të KLSH, objekt i kontrollit do të jetë jo vetëm kompania që ka në pronësi këtë strukturë mbi anën teknike, cilësinë e punimeve si dhe atë të projektimit, por edhe institucionet që kanë për detyrë të kontrollojnë këtë HEC dhe të tjerë.
Për shkak të prishjes së digës në Bunec të Lukovës, disa banesa e biznese u përmbytën duke sjellë dëmë të konsiderueshme, me vlera të larta financiara.
