Në Katedralen “Ngjallja e Krishtit” në qytetin e Korccës, është mbajtur një ceremoni paraklis për shëndetin e kryepeshkopit Anastas Janullatos.
Besimtarët ortodoksë u mblodhën në ambjentet e katedrales për tu lutur e për të kërkuar shërim për kryepeshkopin, ku ndër të tjera ndezën edhe një qiri që simbolizon shpresën dhe jetën.
Pjesëmarrja ka qenë e madhe, ku jo vetëm besimtarët ortodoksë por edhe qytetarë korccarë kanë shprehur besimin e tyre për një rikuperim të shpejtë e të plotë, duke u lutur në këtë moment të vështirë.
Pas lutjeve, një qytetare u prononcua për media ku shprehu dashurinë që kishte për kryepeshkopin dhe uroi që të shërohet sa më shpejtë për gjithë të mirat që ka bërë.
“Jam shumë e emocionuar. Shpresoj që kryepeshkopi ta kalojë edhe këtë herë për gjithë ato të mira që ka bërë për fenë tonë ortodokse. Ka qenë një nga të parët që ka kontribuar në hapjen e kishave tona dhe ne e kemi ndjekur si besimtarë.”
Paraklisi i “Shën Mërisë” është ceremonia që mbahet në raste shumë të veccanta, ashtu si mesha e sotme e mbajtur nga imzot Joan Pelushi, ku së bashku me besimtarët ortodoksë korccarë u lutën për shërimin e kryepeshkopit Anastas.
