Ky është titulli i tij, i pari si trajner, në sezonin e parë në stolin e Interit. Në fillim të sezonit, pas një nisjeje të vështirë, shumëkush dyshonte te zgjedhja e Cristian Chivu si pasues i Simone Inzaghi. Megjithatë, ai arriti të ringrejë një skuadër që dukej në fund të ciklit dhe fitoi titullin e merituar, duke u bërë ish-lojtari i dytë i Interit që ia del pas 88 vitesh. “Unë në historinë e Interit? Ndoshta isha edhe më parë, diçka kam fituar (qesh). Merita është e këtyre lojtarëve që duruan narrativën e sezonit të kaluar, zhgënjimin dhe talljet e atyre që kërkojnë gjithmonë ta ulin këtë skuadër. Kjo është një faqe e rëndësishme në historinë e këtij klubi të madh.
Në një moment fituam 14 nga 15 ndeshje, aty kuptuam se mund t’ia dilnim. Kaluam momente të vështira, si eliminimi nga Champions-i kundër FK Bodø/Glimt dhe humbja në derbi, por qëndruam në këmbë. Tani mendoj për finalen e Kupës së Italisë. Lojtarët kanë të drejtë të festojnë”. Në konferencë, Chivu vlerësoi edhe stafin e tij, duke nisur nga Aleksandar Kolarov: “Ne besojmë te një rrugëtim. Donim ta fitonim titullin duke luajtur mirë dhe besoj se ia dolëm”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
