Marrëdhënia mes Mateos dhe Brikenës ka qenë në qendër të diskutimeve në “Fan Club”-in e sotëm, ku nuk kanë munguar komentet dhe analizat mbi dinamikat e çiftit brenda shtëpisë së “Big Brother VIP Albania”.
Ish-banorja e formatit, Loredana Brati, e cila ka përjetuar vetë një histori dashurie gjatë qëndrimit të saj në reality show, ka ndarë mendimin e saj mbi këtë raport. Sipas saj, në këtë marrëdhënie vihet re një mungesë përkushtimi, sidomos në momentet kur lindin tensione apo keqkuptime.
“Tek ky çift s’më pëlqen kjo tendenca për ta ndërprerë menjëherë marrëdhënien. Nuk shoh ndonjë përkushtim për ta mbajtur atë. Presin gjënë më të vogël për t’u ndarë”, është shprehur ajo, duke theksuar se lidhja duket e brishtë dhe e paqëndrueshme.
Sipas analizës së bërë në studio, Mateo shihet si pala më e përfshirë emocionalisht në këtë raport. Ai duket më i përkushtuar dhe më i gatshëm për të bërë hapa përpara, ndërsa nga ana tjetër, Brikena perceptohet si më e tërhequr dhe më e rezervuar në reagime.
Në vijim të komentit të saj, Loredana shtoi se tashmë është momenti që Brikena të reflektojë dhe të marrë më shumë iniciativa për të forcuar marrëdhënien. “Tani është koha që Brikena të bëjë disa hapa drejt tij”, u shpreh ajo.
