City vazhdon ecurinë e mirë, përforcon kreun në Premier Ligë

Manchester City ka fituar sonte me rezultat 0-2 si mysafirë i Burnleyt në Premier Ligë. Kjo fitore e lë Cityn në vendin e parë me 47 pikë, 3 më shumë se Manchester United në vendin e dytë. Jesus dhe Sterling ishin golashënuesit për Cityn. Manchester City ka shënuar fitoren e radhës në Premier Ligë kundër Burnley për të vazhduar që të jetë në vendin e parë në Premier Ligë.
Djemtë e Guardiolës sonte e kanë mundur skuadrën e Burnleyt në shtëpinë e tyre në Turf Moor. Pjesa e parë filloi shumë mirë për City ku ata shënuan gol që në minutën e tretë të ndeshjes. Ishte një divijim i skuadrës së Burnley të cilin e shfrytëzoi mirë Gabriel Jesus për të shënuar golin e parë në këtë ndeshje.
Edhe goli i dytë i ndeshjes u shënua në pjesën e parë. Ai erdhi pas një bashkëpunimi Gundogan dhe Sterling ku shënoi ky i dyti në minutën e 38-të. Në pjesën e dytë Manchester City prapë e kontrollonte ndeshjen. Madje ata arritën ta shënojnë edhe një gol me anë të Mahrez por pas shikimin në VAR u pa që algjeriani ishte në pozitë jashtëloje.
Pavarësisht rasteve, gola nuk pati më në këtë ndeshje kurse City shënon fitoren e radhës duke u renditur kështu në vendin e parë në Premier Ligë. Tani City ka 47 pikë kurse Burnley ende mbetet në pjesën e fundme të tabelës pasi që nga 21 ndsehje ka 22 pikë dhe është në vendin e 16.