Muaji gusht ka nisur me temperatura ekstremisht të larta në të gjithë vendin.
Sipas meteorologëve në Institutin e Gjeoshkencave në ditën e martë termometri shënoi deri në 40 gradë celsius, ndërsa ditët e tjera të javës do të kenë rritje të temperaturave me 2-3 gradë, çka do të thotë se temperaturat gjatë fundjavës pritet të shkojnë deri në 43 gradë celsius në zonë Kuçovë dhe Gjirokastër.
Me shqetësimin meteorologët shohin qëndrimin e këtyre temperaturave edhe gjatë natës. Në kushte të tilla, mjekët rekomandojnë për fëmijët, gratë shtatzëna dhe personat që vuajnë nga sëmundjet kronike shmangien e orëve të pikut.
Sipas Institutit të Gjeoshkencave, temperaturat e larta kanë edhe rrezikun e zjarreve në pyje. Rrezik më të larta kanë qarqet Fier dhe Berat.
Thatësira e madhe ka sjell probleme të ndjeshme përsa i takon situatës hidrike, duke shkaktuar pakësime dhe tharje të rezervuarëve dhe burimeve të ujit, çka vështirëson më tej situatën për ujë të pijshëm.
Sipas parashikimit, vendi ynë këto ditë do të jetë i ndikuar nga masa e të nxehtit afrikan.
