Autoritetet greke kanë vënë në pranga nje 37-vjeçar shqiptar. Arrestimi i tij ka ardhur pasi ai tentoi të rrëmbente tre fëmijë të dielën e Pashkës në Petrochori, në perëndim të Greqisë. Shqiptari pasditen e së dielës tentoi të fuste me forcë në makinë tre fëmijë, dy vëllezër 9 e 13 vjeç dhe një djalë tjetër 10 vjeç.
Prindërit e fëmijëve bënë denoncimin per zhdukjen e të miturve në polici dhe autoritetet nisën menjëherë kërkimet. Kur pikasën mjetin e shqiptarit, efektivët i bënë shenjë të ndalojë, por ai u arratis. Ai u ndalua pas një ndjekjeje prej 20 minutash.
Nga testi i alkoolit rezultoi se kishte nivel shumë të lartë në gjak, duke regjistruar 0.56 dhe 0.54 gramë për litër. Autoritetet zbuluan po ashtu se ai jepte makinës pa patentë të vlefshme. Ndaj 37-vjeçarit rëndojnë disa akuza, që nga tentativë rrëmbimi, shkelje të qarkullimit rrugor dhe rezistencë ndaj arrestimi.
