POLICIA E SHTETIT
Specialistët për Hetimin e Krimeve të Stacionit të Policisë Memaliaj kanë referuar materialet në Prokurori, duke nisur procedimin penal ndaj një shtetasi për pengim të lëvizjes së mjeteve në një zonë rurale.
Sipas njoftimit të Policia e Shtetit, procedimi penal ka nisur për shtetasin F. Sh., banues në Sarandë, i cili dyshohet se ka penguar qarkullimin në fshatin Kalivaç, duke lënë automjetin e tij në rrugë dhe duke bllokuar kalimin e mjeteve të tjera.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, e cila do të vijojë me veprimet e mëtejshme ligjore për këtë rast.
