Kampionati Botëror i Formula 1 rikthehet këtë fundjavë në Zandvort, me më shumë se gjysmën e sezonit ende për t’u zhvilluar. Në kalendar janë planifikuar edhe dymbëdhjetë gara, përfshirë dy të fundit në Katar dhe Abu Dhabi, por pothuajse askush nuk beson se lufta për titull do të mbetet e hapur deri në fund. Kimi Antoneli kryeson me 50 pikë avantazh ndaj Luis Hamiltonit dhe 59 ndaj Xhorxh Rasëllit.
Pyetja që shtrohet tani është nëse italiani do të arrijë të fi tojë Kampionatin Botëror dhe të bëhet piloti i parë që e realizon këtë që nga Alberto Askari në vitin 1953, apo nëse Hamiltoni dhe Rasëlli do të arrijnë ta kapin në garat e mbetura. Ajo që ndodhi në vitin 2025, kur Oskar Piastri kryesonte pas 11 garave të para dhe më pas përfundoi në vendin e tretë, tregon se përmbysja është e mundur.
Gjysma e dytë e kampionatit do të rrisë presionin. Rasëlli nuk ka gjasa të hasë aq shumë probleme sa në pjesën e parë të sezonit, ndërsa Ferrari ka planifi kuar disa përmirësime të rëndësishme për SF-26. Më i rëndësishmi pritet të jetë evolucioni i dytë i motorit ADUO, i planifi kuar për Monzën, i cili mund të ndryshojë ndjeshëm raportin e forcave. Hamiltoni po vjen me ritëm më të mirë
Mjafton të shohim ecurinë e pesë garave të fundit. Në këtë klasifi kim të pjesshëm, që nga Çmimi i Madh i Barcelonë-Katalonjës, Hamiltoni do të ishte lider me 79 pikë, 16 më shumë se Antoneli. Megjithatë, duhet marrë parasysh se kjo përkon edhe me periudhën më të keqe të besueshmërisë së italianit. Antoneli pati një defekt motori në Barcelonë, kur ishte në pozicion për podium, dhe një tjetër në Silverstone, ku përfundoi i gjashti, edhe pse ndodhej sërish në pozicione të mira.
Qëndrueshmëria e pilotit nga Bolonja në garat që ka përfunduar është mbresëlënëse dhe Luis, me ritmin që po tregon aktualisht, nuk do të ishte në gjendje ta kapte Antonelin deri në fund të sezonit. Vetëm një rënie e ndjeshme në drejtimin e makinës dhe në vetëbesimin e tij, e ngjashme me atë që pësoi Piastri, mund të sillte një përmbysje që tani pak njerëz do ta parashikonin. Mercedes pret përmirësime Është e vërtetë se në fazën e fundit të Kampionatit Botëror, Kimi është kaluar nga katër rivalë në renditjen e pikëve, me Lëklerkun që ka të njëjtin numër pikësh.
Por kjo është edhe periudha e tij më e dobët e sezonit. Mercedes do të sjellë përmirësime të reja, përfshirë një kërcim të konsiderueshëm aerodinamik, përditësimi i fundit i madh ishte në Kanada, që mund t’i lejojë skuadrës të ruajë avantazhin e saj në pjesën e fundit të sezonit. Rasëlli, besimi i të cilit është lëkundur ndjeshëm përballë paraqitjeve të Antonelit këtë sezon, mund të ketë gjithashtu shanset e tij.
Por për këtë do t’i duhej një rikthim i ngjashëm me atë të Maks Verstapenit në vitin 2025, kur holandezi luftoi për titullin deri në fund dhe e humbi atë vetëm me dy pikë. Nuk mund të përjashtohet, por Xhorxhi nuk duket se është në gjendje të imitojë Maksin për kaq shumë gara pa bërë asnjë gabim. Për më tepër, presioni mbi të është më i madh se ai mbi liderin aktual të kampionatit.
