CNN: Pushtimi i Kapitolit është “krimi i shekullit”

Fraza “krim i shekullit” është përdorur për të përshkruar skandalet më të mëdha që kanë tronditur Amerikën- duke filluar nga rrëmbimi i foshnjës së Charles Lindbergh, tek vrasjet e serial killer ( Son of Sam Murders), çeshtja e  OJ Simpson dhe  vrajsa e JonBenet Ramsey.
Këto ishin krimet dhe tragjeditë që kanë tronditur Amerikën.
Kryengritja e Kapitolit më 6 janar 2021, fatkeqësisht është një ndër krimet më të mëdha të Amerikë. Asgjë nuk e bëri edhe më të qartë se gjyqi i dytë i fajësimit të ish-Presidentit Donald Trump, ku çështja kundër tij u zhvillua më shumë si një dokumentar i krimit të vërtetë sesa një gjyq politik.
Fotot, videot, thirrjet telefonike, deklaratat e betimit – disa prej të cilave nuk ishin shpërndarë kurrë më parë publikisht – ishin tronditëse dhe  madje edhe të bezdisshme. Ato ishin shumë larg dëshmive të zakonshme.
Trazirat në Kapitol nuk kishin të bënim vetëm me pengimin e drejtësisë ose abuzimin e pushtetit – por  me një skenë të dhunshme krimi në një nga kështjellat më të shenjta të kombit amerikan.
Menaxherët e Dhomës së Përfaqësuesve i cilësuan trazirat në Kapitol si të përllogaritura për të përmbysur qeverinë madje  mund të arrinin deri aty sa të vrisnin edhe Pence, Kryetaren e Dhomës së Përfaqësuesve Nancy Pelosi dhe ligjvënës të tjerë – duke sulmuar edhe çdo oficer policie që do t’i pengonte.
Protestuesit kishin armë, mjetë të dëmshme të tjera, ata madje kanë kërkuar në çdo sallë për të gjetur se ku ishin fshehur ligjvënësit vetëm me qëllimin për ti lënduar. Ata janë autorët e këtyre krimeve të tmerrshme. Por, përmes të gjitha provave, pamjeve, fakteve të padiskutueshme, është shumë e qartë se nxitësi është vetë Trump.
Gjatë gjyqit të fajësimit, Rep. Madeleine Dean, tha se trazirat nuk do të kishin ndodhur kurrë nëse nuk do të ishte për Donald Trump.
Ishte pikërisht Trump  që me fjalët e tij, i kërkoi mbështetësve të mos pranonin rezultatin e zgjedhjeve.  Dhe shumë prej mbështetësve ishin të gatshëm të luftonin  deri në fund për të.
Një gazetar i CNN, Josh Campbell shkroi në Twitter , “Unë kurrë nuk kam parë kaq video për një sulm terrorist. Ky është një mallkim”.
Me gjithçka që dimë tani, pasi ka ende shumë fakte që duhen zbuluar- është e qartë që ky gjyq nuk ka të bëjë me politikën. Nuk ka të bëjë me republikanët apo demokratët. Nuk ka të bëjë me lirinë e fjalës dhe nëse  do të detyrojmë dikë për të mos  thënë gjëra që nuk na pëlqejnë.
Ka të bëjë me përmbysjen qeverisë amerikane, vdekjet e pesë personave, sulmin ndaj zbatimit të ligjit, rrezikun e paimagjinueshëm në të cilën u gjenden zyrtarët amerikanë, stafi i tyre dhe në disa raste familjet e tyre dhe sigurisht lidhjen e fortë me njeriun më të fuqishëm në botë, Presidentin e Shteteve të Bashkuara.
Kjo që ndodhi në Kapitol nuk është asgjë më pak se “krimi i shekullit”.
Përktheu abcnews.al