Drejtuesi politik i qarkut Gjirokastër, Bledi Çuçi zhvilloi një seri takimesh me punonjës të biznesit fason në qarkun Gjirokastër. Ai pati biseda me të punësuar në Design Aparel ,Kozi Fason dhe Cotext Tekstile. Çuçi risolli në vemendje mbështetjen që qeveria Rama i ka dhënë këtij biznesi, që në të shkuarën ka qenë i diskretituar.
“Një nga përfituesit e qeverisë sonë ka qenë biznesi fason. Nëse ju jeni sot ketu është edhe falë reformave që kemi bërë për këtë biznes. Jo vetëm që nuk ka pasur dashamirësi për këtë biznes përpara, por herë herë edhe është diskretituar. Kishim një program të qartë për të stimualar këtë biznes, sepse krijon vende pune për shqiptarët. Punësimi është një nga elementët kyç për të rritur mirëqenien e shoqërisë shqiptare. E gjithë paketa e fasonëve që e kemi miratuar tashmë po jep frutet e veta, aq sa madje ka nevojë për bizneset fasonë për punëtore, dhe nuk po gjenden më punonjës”, u shpreh Çuçi.
Çuçi deklaroi angazhimin e socialistëve që në mandatin e dytë të qeverisjes, paga minimale për çdo punonjës të jetë 30 mijë lekë të rinj.
“Ne përpara pak muajve rritëm pagëm minimale, gjë që ju do ta ndjeni këtë pagë që do merrni, pra 240 mijë lekë. Premtimi ynë për 4 vjeçarin e ardhshëm është të bëjmë 300 mijë lekë pagën minimale. Një gjë plotësisht e realizueshme dhe që pa diskutim është kontribut i drejperdrejt dhe në xhepat dhe familjen tujaj, sidmos në pjesën e paketave të sigurimeve shoqërore aq të domosdoshme për një periudhë të së ardhmes, që ndonjëherë duket shumë larg, por që kur vjen pastaj i biem kokës me grushta siç i bien sot shumë njerëz që kanë punuar nga 15 vite nuk kanë paguar sigurimet shoqërore dhe sot që dalin në pension nuk arrijnë dot të marrin sigurimet shoqërore. Këtë me biznesin fason ne e kemi disiplinuar 100 përqind”, theksoi ai.
Gjatë bisedës me punonjëset e këtij biznesi, Çuçi ndau edhe vizionin e PS, për një qeverisje të vetme e cila siguron pa pengesa realizimin e reformave dhe mbyll epoken e veshtire te tranzicionit te gjate te shqiptareve.
