Media greke ka publikuar fotot e tre të arratisurve shqiptarë, të cilët aritën të prisnin me limë hekurat e dritares së qelisë si dhe identitetet e tyre. Zougla.gr ka publikuar inicialet e 3 shqiptarëve, bëhet fjalë për shtetasit M.F, Z.A dhe B.K.
Shtetasi me inicialet B.K, 35 vjeçar u arrestua këtë të enjte nga forcat e policisë, ndërsa dy shqiptarët e tjerë janë ende të lirë. Shqiptari u kap në Menidi, një lagje e Athinës. 35 vjeçari së bashku me një tjetër nga shqiptarët ishte i dënuar për trafik droge, ndërsa shtetasi i tretë shqiptar për vrasje. Policia ende nuk ka mundur të arrestojë dy personat e tjerë deri më tani.
