Nga Mitro Çela
-Në librin “Koço Devole”, kam një tregim me titull” Mesazhe nga karantina”.(2020-2021). Duke gërmuar në celular, gjeta disa mesazhe që kam shkëmbyer me Koçon në vitet 2017 deri në vitin 2019. –
28 korrik 2017
Unë:-Si je Koço djali! Na mungon. Këtej sahara, edhe pse fitoi Rama. Po andej?
Koço-Shoku Mitro të përshëndes edhe në emër të presidentit Trump. I kam kërkuar takim, ta uroj edhe në emrin tënd. Por ka qënë i zënë, donte të më shkruante zëdhënisja e shtypit. Nuk ja mora për keq, sepse thonë që ka një damar nga Shqipnia e Veriut. Diku-diku i afërt me Berishën. Nuk është thashathem. Po ti shohësh në foto, ngjajnë nga surrati dhe huqet.
Gjëndja ime shëndetësore është nën kontroll. Të fala Ezmerkës. Të përqafoj.
1 gusht 2017
Unë-Koco! I bere analizat? Po të afrohen ditët. Po të presim si Pashkën e Madhe. Ne jemi në Golem. Çdo ditë shkojmë në Kavajë. E di ti Koço që Kavaja ka ndryshuar? Janë shtruar rrugët. Ka restorante peshku. Shkëlqen “Fiore” dhe “Poçeria e Vjetër”.
Marlise-nusja është në Londër.
Ai-Më datë 5 gusht 2017 marr përgjigjet. Në datë 8 gusht, me kismet jam në Tiranë. Më ka ftuar Filipi të pushoj 10 ditë në Sarandë. Më lodhi Amerika duke ndënjur dhe kam nevojë të nxij zhapën dhe të laj mëkatet në detin Jon. Sipas informacioneve, mund të të shkojmë nja dy-tre ditë në Sivota. Kam qënë nja dy herë. Është parajsë.
Nipi yt mirë me fjalorin e pasur. Duket ndihma e gjyshit. Ja kalofshi sa më bukur. Përqafime. Po të nis një foto nga Çikago. Më duket qytet i bukur…
Unë-E krahason me Kavajën tënë? Neise! Pashë foton tënde nga Amerika. Vure ndonjë koqe hudhër, se mos të marrin në sy amerikanët.
Ai-Ç’më duhet hudhra, kur jam koqe vet.
Unë-Nuk e ke keq. Edhe mua më pëlqen, që në Gjirokastër kandarit i thonë Mitro!
6 janar 2018
Unë-Qirjo! Të mungon atdheu mama?
Ai- Më mungojnë të dy llojet e dherave. Edhe dheu i atit edhe dheu i mëmës. Punë e dhjerë kjo punë e dheut?! Kur zbret nga aeroplani, në vend të dheut duhet të puthësh asfaltin. Bëj një propozim në Akademinë e Shkencave për ndryshimin e fjalës së urtë. Është: balta më e ëmbël se mjalta. Të bëhet: asfalti më i zi se zezaku! Në Amerikë vetëm zezakë sheh rrugëve dhe vetëm zezakë mund të përqafosh? Por duhet kujdes. Ti përqafosh nga kurrizi, se mund të hash ndonjë hu?!
Të fala Netit dhe thuaj se vitaminat D3 janë në cantën time.
Unë-Faleminderit thotë Neti. Mirë i ke kallaballëkun? Ke lëvizur apo pranë oxhakut? Këtej mirë. Puna në Fiks Fare, tamam tamam fillon nesër, më 9 janar. Shefin e ke top. Vendin e Kol Ballës e zuri Ylli Rakipi. Qifja na la shëndenë nga parlamenti.
Ai-Erdhën lajmet edhe ketu qirjo. Të kemi shëndenë pa plaçka vihet.
11 mars 2018
Ai:-Ngushëllimet e mia Mitro. I qoftë dheu i lehtë doktor Polikronit. Në kujtesën time do mbetet si modeli i doktorit human.
3 korrik 2018
Unë:-Si je Koço djali? Mirë udhëtove? Ne ishim në Paris. Çuam djalin në Disney Land. Kullota sitë edhe une, plaku de.
Ai- Bravo të qoftë. Në pleqëri gjërat shijohen më mirë. Kuptohet duke larguar Ezmerkën. Ndryshe e ke hak dajakun! Por ti kot kruhe. Plaku dhe qëni janë besnik për gratë?
Më duhen urgjent dy vertetime nga Istituti i Sigurimeve: Më duhet zyrtarish sa e kam pensionin unë dhe zonja ime: Hurma Devole.
Unë:- Hurmaja është bërë e ëmbël, si puna frutit kur piqet? Apo vazhdon të hedhi shkjelma, si Ezmerka ime?
Ai:-Hurmaja ime nuk piqet. Nga huqet mbetet njësoj.
– Kur e mora që e mora, nusja ime ka qenë balerinë. 50 kile.
Bëmë dasmë. Në mesnatë u futëm në dhomë. Rrëmbeva nusen në duar.
Elashë butë-butë në krevat. Pa nisur nga puna, ajo më thotë:
– Në duar do më mbash gjithë jetën?
-Sa të kem frymë!
-Ikën vitet. Gruaja nisi të shtojë në peshë. U rrumbullos. Ca kohë e mirrja kalipiç deri në krevat. Këputa mish. Së fundi kam mësuar një marifet. E shtrij gruan në dysheme. E rrukullis deri në krevat. Pastaj? Gjumë… Berati!
Unë-Sa e bukur! Ta botoj! Mbase marr ndonjë koqe leku?!
Ai:- Lere humorin. Që të bëhesh humorist, duhet të kapërcesh ylberin! Dalim tek problemi: I thuaj Astrit Hado, drejtori Institutit: Të bën të fala vetë Koçoja? Dy vertetime duhen anglisht dhe ti nisi me postë të shpejtë. Bakshishin ne amerikanët shqipo i kthejmë tre fish. Të përqafoj. dhe meru që nesër të lutem. Te fala të gjithëve.
Nëse do rroj ose jo, varret nga ty.
Unë:-Koço! Pasi këndova rrjeshtin e fundit, mu duk vetja si Mesi!
Ai:- Më shumë! Çfarë do bënim ne pa ndërhyrjet e tua gjithë lezet?
