Papa Leoni XIV ka zhvilluar një vizitë në shenjtëroren e Zojës së Këshillit të Mirë në Genazzano, për të nderuar Zojën e Shkodrës. Vizita e Leoni XIV konfirmon devocionin e tij personal ndaj kësaj figure të dashur për shqiptarët.
Kjo është dalja e parë e tij jashtë Vatikanit pas zgjedhjes në krye të Kishës Katolike. Dukshëm kjo vizitë pranë Zojës së Këshillit të Mirë është një zgjedhje simbolike që forcon lidhjen historike të urdhrit Augustinian me këtë shenjtore.
Mijëra katolikë shqiptarë më 26 Maj, të dielën e fundit të këtij muaji, pritet të vizitojnë këtë vend, tashmë një traditë e përvitshme në nderim të Zojës së Shkodrës.
