Drejtoria Arsimore Rajonale Gjirokastër pritet të shkrihet së shpejti. Të paktën nëse i besojmë asaj që ka thënë kryeministri Edi Rama, sipas së cilit do të ketë një organizim të ri me 4 rajone sa i përket arsimit në vend. Megjithatë ky institucion vijon punën normalisht, duke kryer gjithashtu edhe prokurime publike. Tre ditë më parë është mbyllur tenderi me objekt: “Marrje me qera te nje automjeti per nevoja te Institucionit DAR Gjirokaster per nje periudhe 5 mujore”. Sipas dokumenteve që ka siguruar ArgjiroLajm.net mësohet se vlera e tenderit është rreth 2.9 milionë lekë të vjetra me TVSH. Makina ka gjithashtu edhe disa specifikime të tjera teknike, ndërsa theksohet se operatori ekonomik që e ofron, duhet ta ketë të siguruar mjetin dhe në rast se ai pëson defekt, duhet ta riparojë me shpenzimet e veta. Më poshtë dokumente të tenderit, ku jepen edhe specifikimet e tjera të makinës që do të merret me qira. DAR Gjirokastër prej vitit 2013 drejtohet nga Lindita Rova. Nuk dihet përse automjeti do të përdoret për një periudhë pesë mujore. Ose pritet që pas pesë muajsh DAR Gjirokastër të shkrihet, ose dë blihet një automjet që të jetë pronë e institucionit.
©ArgjiroLajm.net
