Dashamir Shehi ka deklaruar hapur se edhe në Partinë Demokratike ka persona që blejnë vota. I ftuar në Opinion, Shehi tha se nuk i vjen mirë, por partia ku është pjesë edhe ai nuk është e mbushur me ëngjëj.
Madje shtoi se edhe PD-ja ka blerë vota me para milionerësh.
“Kjo nuk ëstë çështje partish, kjo është çështje pushteti, qeverisjeje, nga aty vjen grabitja. Që t’jua shpjegoj.
Jo s’e nuk i ka blerë vota. Nuk është PD-ja se është e mbushur me ëngjëj. Edhe PD-ja kur ka qenë në pushtet i ka bërë këto gjëra, por jo në këtë dimension.
Nuk është puna që dy tifozë, një i PD-së dhe një i PS-së dhe ky i PS-së është bujar dhe hedh pare për të mundur PD-në. nuk është puna kështu sepse do të ishte shumë bukur.
Puna është se ky i PS-së përdor shtetin, paratë e shtetit. Për mua krimi më i rëndë është kjo e patronazhistëve.
Ky është krimi më i madh, jo u shitën ca fukarenj aty e atje, nuk më shqetësojnë fare,” tha Shehi.
