Kreu i PD Gjirokastër, Dasho Aliko, i ka bërë thirrje sot kryetarit Lulzim Basha që të marrë pjesë në Kuvendin e datës 11 të thirrur nga delegatët që mbështesin Sali Berishën.
“I bëj thirrje zotit Basha të gjejë qetësinë, të gjejë rrugën e duhur. T’i bashkohet Kuvendit të datës 11 me platformën e tij. Kush të fitojë nga platforma le të drejtojë partinë. Anëtarëve të PD-së nuk i intereson emri, nëse do jetë Basha apo Berisha. Ju bëj thirrje të ulen zënkat. Partia Demokratike do të dalë më e bashkuar nga Kuvendi datës 11”, tha Aliko. Pra, thirrja e Alikos është tallëse dhe cinike për Bashën, sepse ai e fton në një Kuvend ku do të votohet për shkarkimin e tij nga drejtimi i PD-së.
Nga 151 delegatët e PD-së në Kuvendin Kombëtar, 100 kanë firmosur në favor të Berishës. 39 nuk kanë firmosur, ndërsa 12 ishin në emigracion. Praktikisht Basha ka fare pak ose aspak mbështetje në radhët e PD-së në degën e Gjirokastrës. ©argjiroja.net
