Sajma Qordja është e reja e cila “ngriti në këmbë” autoritetet mesditën e kësaj të enjte.
Raportohet se e reja nga Elbasani kishte kërcënuar familjen se do të hidhej nga ballkoni pasi ata nuk pranonin lidhjen e saj. Qordja u largua me të dashurin e saj dhe familja e raportoi të rrëmbyer.
Një telefonatë e të resë ku pretendonte se ishte dhunuar nga disa persona, bënë që forca të shumta policie të “zbarkonin” në adresën që Qordja u komunikoi autoriteteve. Policia njofton se hapja e derës u bë në orës 14:10, nga Forcat “Renea”, pasi Qordja nuk pranonte që të hapte derën.
E reja tani ndodhet nën asistencën e stafit mjekësor dhe nga këqyrja paraprake nuk konstatohen shenja të dukshme fizike.
Gjithashtu, gjatë kryerjes së veprimeve të ngutshme hetimore dhe kontrollit të apartamenteve të tjera në pallatin në fjalë, në një banesë tjetër janë gjetur 2 armë zjarri pistoletë. Brenda kësaj banese nuk janë gjetur persona në momentin e kontrollit.
Grupi hetimor po kryen veprimet përkatëse me qëllim zbardhjen e plotë të ngjarjes dhe identifikimin e poseduesit të armëve.
