Duket se dimri ka nisur të vijë pasi disa zona malore janë mbuluar nga reshjet e para të dëborës.
Gjatë natës dhe në orët e para të ditës së sotme ka pasur reshje shiu shoqëruar me ulje të temperaturës në të gjithë vendin. Në Bogë-Theth, Pukë-Fushë Arrëz dhe në Ura e Zapodit-Shishtavec ka pasur reshje dëbore.
Autoriteti Rrugor Shqiptar (ARRSH) njofton se grupet e punës me mjetet borëpastruese janë në terren dhe po punojnë për pastrimin e rrugëve. Sakaq, bëhet me dije se qarkullimi vijon normalisht në të gjitha akset.
ARRSH i bën thirrje drejtuesve të mjete që të kenë kujdes të shtuar gjatë drejtimit të mjetit për shkak të lagështisë në rrugë, të pajisen me goma dimërore dhe zinxhir kur udhëtojnë për në zonat dimërore me prezencë dëbore.
