Tifozët e Flamurtarit nuk do ta shohin Dejvi Bregun me fanellën kuqezi në vazhdim të kampionatit. Futbollisti vlonjat nuk do të bashkohet me Flamurtarin, edhe pse klubi kuqezi dhe ai gjirokastrit kishin rënë dakord për lëvizjen e lojtarit.
Por Bregu duket se ka preferuar të qëndrojë te Luftëtari deri në fund të sezonit. E ka konfirmuar këtë lajm pak më parë trajneri Duro, i cili është shprehur në konferencë shtypi se Bregu nuk vjen te Flamurtari, pasi ka vendosur ta mbyllë kampionatin te Luftëtari. Trajneri i Flamurtarit ka pasur një takim me lojtarin në fjalë.
Në Gjirokastër duhet të gëzohen, kurse në Vlorë duhet të mërziten. Tani drejtuesit e klubit vlonjat duhet të shohin alternativa të tjera
