Në videon më poshtë shfaqet momenti kur një grup tifozësh të Luftëtarit sulmojnë makinën e arbitrit të ndeshjes kundër Teutës. Incidenti ka ndodhur para hyrjes së stadiumit ‘Gjirokastra’. ArgjiroLajm.net e denoncoi ngjarjen që në fillim, si një akt i rëndë dhunë që s’duhet të ketë vend në sport.
Pavarësisht vendimeve të kontestuara të arbitrit Blerim Ziri, cdo akt dhune brenda apo jashtë stadiumit është i patolerueshëm dhe duhet dënuar me forcë. Ajo që është më skandaloze në këtë video, ka të bëj me faktin se forcat e policisë bëjnë sehir se si sulmohet makina e gjyqtarëve.
Nuk ka ndërhyrje për t’i penguar tifozët e irrituar, por as shoqërim të tyre për këto akte dhune. Në këtë rast, policia e Gjirokastrës është bërë bashkë me ata që ushtruan dhunë. Shihni videon. ©ArgjiroLajm.net
