Ministri i Jashtëm grek Nikos Dendias, ka vizituar këtë të premte Kosovën. Në një konferencë për mediat, Dendias u shpreh se Greqia do të vazhdojë të ndihmojë Kosovën në procesin e liberalizimit të vizave.
Gjithashtu ai ka theksuar se Greqia mbështet dialogun Kosovë-Serbi.
“Duam të zgjerojmë bashkëpunimin ekonomik me Kosovën. Por jo vetëm, sepse ka edhe fusha të tjera në të cilat do të bashkëpunojmë në të ardhmen. Greqia është e përkushtuar në nismën Ballkani të mbetet lartë në agjendën evropiane. Ne e përkrahim fuqishëm edhe dialogun dhe shpresojmë se ai do të rezultojë me një zgjidhje që do ta stabilizonte rajonin”, është shprehur ai.
