Të rinjtë e FRESSH ashtu si dhe një vit më parë kanë zgjedhur bregdetin e Jalës për të kaluar disa ditë pushimi në kuadër të asaj që PS e ka pagëzuar me emrin ‘Akademia Verore’. Krahas plazhit dhe aktiviteteve të tjera, ata trajnohen mbi hartimin e politikave lokale, ngritjen dhe lobimin për problematikat komunitare dhe mjedisore. Mes tyre janë edhe të rinj të FRESSH nga Gjirokastra. Për t’i përshëndetur ishte aty deputeti i qarkut, Flamur Golemi. Siç shihet në fotot e postuara në rrjetet sociale, nuk mungon as konsumi i alkolit, ndonëse nuk dihet me siguri në janë të gjithë mbi 18 vjeç apo jo. Nëse mes tyre ka edhe poshtë moshës 18-vjeçare, së paku duhet të ishte deputeti Flamur Golemi që t’u bënte me dije se ligji ua ndalon konsumin e alkolit.
© ArgjiroLajm.net
