Deputetja e Partisë Demokratike, Ina Zhupa ka folur mbrëmjen e sotme lidhur me zhvillimet politike pas zgjedhjeve të 11 majit. E ftuar në “A Show” me Adi Krastën në SYRI TV, Zhupa ka hedhur akuza ndaj mazhorancës se ka miratuar ligje me porosi.
Gjatë fjalës së saj, ajo u shpreh se pasi të përfundojë çështja në Gjykatën Kushtetuese, dosja për koncesionin e parkut kombëtar të Butrintit”, do të shkojë në SPAK pasi sipas saj ka abuzime.
“Unë po bëj dosjen për ‘Butrintin’, për ta dërguar në SPAK. Mbasi mbaroi Gjykata Kushtetuese, do të shkojmë në SPAK se aty dallohen që janë bërë dallavere në kurriz të interesit publik. Janë blerë ligje.
Në Shqipëri, blihen ligje. Në Shqipëri ligji ka emër, në Shqipëri porositen ligjet, është bërë si mall tregtar. Ne kaluam para se të mbyllej sesioni parlamentar, ligjin për sportin, që ishte ligji i Fidel Yllit. Kaluam ligjin për Akademinë e Shkencave që ishte ligji i Skënder Gjinushit. Kaluam ligjin për zonat e mbrojtura, që ishte ligji i Mirela Kumbaros për pikat e vogla, ose resortet e mëdha”, tha ndër të tjera deputetja Zhupa.
