Derbi është i Milanit, Ibra i dhuron tre pikët

Ka përfunduar me fitoren e ekipit të drejtuar nga Stefano Pioli, Derbi mes Interit dhe Milanit.
Zllatan Ibrahimoviç ishte ai që kaloi Milanin në avantazh me dy gola që në 15 minutat e pjesës së parë. Suedezi shënon të parin nga pika e bardhë e 11 metërshit dhe të dytin pas një goditje të saktë brenda zonës. Romelu Lukaku shkurtoi diferencën për ekipin e Antonio Kontes në minutën e 28.
Pjesa e dytë nuk prodhoi asnjë gol duke bërë që ekipi i Piolit ti gëzohet tre pikëve. Në katër javët e para të Serisë A, Milani udhëheq renditjen me 12 pikë të plota ndërsa Interi i Kontes mban vendin e 6 me vetëm 7 pikë. (Lexo.al)