Partizani do vazhdojë të luajë në stadiumin e Vorës si pritës, ndërsa Tirana në stadiumin “Selman Stërmasi”. Të paktën ky është konfirmimi i Federatës Shqiptare të Futbollit, pas derbit Partizani-Tirana që do të zhvillohet në stadiumin “Air Albania”. Një takim i datës 9 tetor ora 18:30. Partizani ka dy ndeshje në Vorë për muajin tetor. Fillimisht Vora i pret të kuqtë më 18 tetor ora 13:30. Më pas Partizani pret Skënderbeun më 24 tetor ora 13:30. Transferta me Elbasanin është rezervuar më 28 tetor ora 18:30.
Sa i përket Tiranës, pas derbit me Partizanin do të presë Laçin më 17 tetor ora 13:30 në stadiumin “Selman Stërmasi”. Transferta me Vllazninë është rezervuar më 24 tetor ora 18:30. Derbi me Dinamon ndërkohë ka mbetur në “ajër” dhe axhenda mbetet për t’u konfirmuar bashkë me stadiumin, por data është 29 tetor.
Kujtojmë se Tirana dhe Partizani gëzojnë të drejtën për të luajtur në stadiumin “Air Albania”. Klubet kursehen duke luajtur në stadiume të tjera.
