Në muajin prill të këtij viti Këshilli i Qarkut Gjirokastër nxori në ankand automjetin që përdor ky institucion. Sipas njoftimit bëhej fjalë për një autoveturë tip ‘Mercedes Benz’, modeli E 320 CDI Avantgarde, viti i prodhimit 2000. Vlera fillestare e ankandit ishti 2 milionë e 240 mijë lekë të vjetra. Por gati tre muaj pas kësaj shpallje, Këshilli i Qarkut Gjirokastër njofton dështimin e ankandit pasi nuk u paraqit asnjë ofertues. Pra, askush nuk rezulton të jetë i interesuar të blejë automjetin e këtij institucioni. Me shitjen eventuale të makinës, Këshilli i Qarkut Gjirokastër ose do të blente një automjet me fondet e veta, ose do ta përfitonte dhuratë prej Ministrisë së Brendshme, sikundër u veprua me 12 prefektët e vendit. Mbetet për t’u parë nëse ankandi do të rihapet sërish apo makina do të mbetet pronë e Këshillit të Qarkut.
© ArgjiroLajm.net
