Detaje të reja dalin lidhur me sherrin në familje në Lushnjë pasditen e kësaj të marte, ku babë e bir plagosën me thikë njëri-tjetrin.
39-vjeçari përfundoi në spital si pasojë e plagëve të marra nga thika. Gjithashtu në spital u shoqërua për ndihmë mjekësore edhe babai 69-vjeçar, pasi nga konflikti ka marrë dëmtime fizike në pjesën e fytyrës.
Personat e përfshirë në sherr janë Nari Plaka 39 vjeç dhe Bashkim Plaka 69 vjeç. Mesohet se babë e bir shkuan për t’u mjekuar rreth orës 18:00, në spitalin e Lushnjës.
Filimisht u paraqit për ndihmë mjekësore 39- vjeçari, i cili nuk tregoi që ishte plagosur me thikë, por tha se kishte rënë nga biçikleta dhe i kishte hyrë hekuri në bark. Mjeket dyshuan se ai mund të ishte dëmtuar me mjet prerës (thikë) dhe e operuan.
Pas djalit shkoi per mjekim edhe babai i tij 69 vjeçari, Bashkim Plaku i cili kishte dëmtime në koke dhe fytyrë. Policia informoi se babë e bir ishin dëmtuar mes njëri-tjetrit, gjatë një konflikti mes tyre. Dy te plagosurit janë jashtë rrezikut për jetën. Grupi hetimor po punon për sqarimin e rrethanave të ngjarjes.
