Pas ceremonisë madhështore të Mohamed Salah, në Turqi u prezantuan edhe dy blerjet e tjera të bujshme, Dusan Vlahovic dhe Romelu Lukaku. Në Stamboll, me mijëra tifozë, i rezervuan një pritje të ngrohtë sulmues serb. Vlahovic firmosi një kontratë 3-vjeçare me ekipin e Beshiktash nga ku do të përfitojë 7,5 milionë euro në sezon, plus 10 të tjera në momentin që hodhi firmën, si bonus mirënjohje:
“Jam shumë i lumtur që ndodhem këtu, në klubin më të vjetër në Turqi. Do të jap më të mirën time. Të gjithë e dinë objektivin tonë, qëllimi është të fitojmë titullin, kjo është e vetmja gjë që dua”, u shpreh Vlahovic përpara tifozëve.
Në Stamboll, në të njëjtën ditë, u prezantua edhe Romelu Lukaku, me sulmuesin belg që zgjodhi Fenerbahcen për të vijuar karrierën. Pas prezantimit me stafin dhe testeve mjekësore, Lukaku nuk e fshehu gëzimin për këtë aventure të re:
“Është një nder të jem këtu. Dëshiroja prej kohësh të luaja me Fenerbahcen, kërkoja të bashkohesha me këtë klub disa muaj më parë. Ajo që ka rendësi tani është ekipi, Fernerbahce, dhe të bëjmë të lumtur tifozët tanë. Dëshirojmë t’i fitojmë të gjithë trofetë e mundshëm”, u shpreh Lukaku në një intervistë për faqen zyrtare të klubit, përpara se të bashkohej me ekipin në seancën e parë stërvitore.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
