Nuk tregon ende përmirësime shëndeti i Kryepeshkopit Anastas Janullatos, i cili mbetet në gjendje kritike për jetën, i shtruar në një spital në Athinë të Greqisë.
Përpjekjet e fundit të mjekëve për ta zgjuar klerikun e Kishës Ortodokse kanë qenë të pasuksesshme, teksa ai prej 19 ditësh gjendet i hospitalizuar në spitalin “Ungjillizimi” në Athinë.
Kryepeshkopi 95-vjeçar po trajtohet – siç është raportuar – i intubuar, në Repartin e Kujdesit Intensiv të Spitalit.
Ai iu nënshtrua një ndërhyrjeje kirurgjikale para disa ditësh dhe që prej atëherë ka qenë duke u mbajtur në Repartin e Kujdesit Intensiv.
Janullatos u shtrua fillimisht në një spital të Tiranës në 30 dhjetor, por u transportua drejt Athinës më pas për mjekim më të specializuar.
