Dita e dytë e protestës për Klodian Rashën, 5 punonjës policie dhe 2 protestues të lënduar

Ministria e Shëndetësisë dhe Mbrojtjes Sociale ka bërë të ditur se 7 persona kanë mbetur të lënduar nga protesta që u zhvillua sot për 4 orë në kryeqytet, pas vrasjes së Klodian Rashës.
Sipas MSH-së, aktualisht po marrin shërbim në spitalin e Traumës pesë punonjës të policisë dhe dy protestues, të lënduar gjatë protestës së dhunshme të zhvilluar në kryeqytet.
Njëri prej punonjësve të rendit është me dëmtime më serioze dhe pas ekzaminimeve të kryera, rezulton me frakturë të kërcirit.
Ndërsa gjatë protestës të zhvilluar ditën e djeshme, kanë marrë shërbim në spitale 16 punonjës të policisë dhe dy protestues, ku njëri prej punonjësve të rendit ka patur dëmtime serioze të syrit, me prognozë mjaft të rëndë. Urgjenca mjekësore dhe spitalet vijojnë në gatishmëri.