Kandidati për deputet i PS-së në qarkun Gjirokastër, Flamur Golemi ka qenë mbrëmë në Kalanë e qytetit ku u mbajt eventi për Ditën e Europës. Golemi shoqërohej nga bashkëshortja e tij. Në një postim në Facebook ai falenderon ministren e Kulturës, Mirela Kumbaro dhe ambasadoren e BE-së, Romana Vlahutin që zgjodhën Gjirokastrën për të organizuar eventin për Ditën e Europës. Më poshtë postimi i plotë i tij:
“Me bashkëshorten time, ambasadoren e BE-së, Romana Vlahutin dhe ministren e Kulturës, Mirela Kumbaro mbrëmë në Kalanë e Gjirokastrës gjatë aktivitetit për Ditën e Europës. E ndjej se duhet t’i bëj një falenderim publik Mirelës, për vendosmërinë dhe angazhimin maksimal që ky event të organizohej për herë të parë në Gjirokastër. Mirënjohje natyrisht për ambasadoren Vlahutin që zgjodhi qytetin tonë. Bashkimi Europian mbetet aspirata më e madhe e popullit shqiptar dhe unë besoj fort se nëse ne punojmë bashkë për Shqipërinë që duam, do të arrijmë lehtësisht të jemi pjesë e BE-së. Vota e 18 qershorit do të përcaktojë njëherë e mirë nëse do të vazhdojmë rrugën drejt BE-së, apo Shqipëria do të futet në çadër. Unë besoj se nëse jemi bashkë s’ka gjë që na pengon, prandaj votën çojeni vetëm për Partinë Socialiste. Çdo alternativë tjetër na kthen pas. #MeFlamurGolemin ? #PS?
